ఒంటరిగా

సరదాలు సంతోషాలు, మనసులోని భావాలు
పంచుకునే వారులేక మౌనంగా ఉండిపోయినప్పుడు,
ఆలోచనల జడిలో తడిసిపోయినప్పుడు,
ఏ ఆలోచనలూ లేక, శూన్యంలోకి చూస్తూ ఉండిపోయినప్పుడు,
ఏం ఆలోచిస్తున్నానో కూడా తెలియని అయోమయంలో కొట్టుమిట్టాడినప్పుడు,
కన్నీళ్ళు కంటి లోతుల్లో దాగి, మనస్సు పోరలలో మంటలు రగిలినప్పుడు,

కంటిలో తడితెరలు కదిలినప్పుడు...మసక చీకట్లు కమ్మినప్పుడు,
బాధ గుండెను అదిమి, గొంతు పెగలక ఊపిరాడనప్పుడు,

కన్నీళ్ళు నన్ను వదిలిపోయినపుడు,
కన్నీళ్ళని వానజడిలో దాచుకుని ఏడ్చినపుడు

ఒంటరిగా నేను,
ఒంటరినై నేను,
ఒంటరినే నేను.

ఇట్లు,
నీ బాలు
౨౭.౦౬.౨౦౦౭, పగలు ౦౪.౦౦