వెలుగు రేఖలు వెళ్ళిపోయాక
రేయి చీకట్లు కమ్ముకున్నాక
మా దేశం వచ్చాడు చందమామ
మబ్బు తెరలను చీల్చుకుంటూ
మా ఊరు వచ్చాడు చందమామ
మా ఇంటికి వచ్చాడు మా చందమామ
చుక్కలని తెచ్చాడు చందమామ
మా ముంగిట ముగ్గులే వేసాడు చందమామ
ఊసులు చెప్పాడు చందమామ
హాయి ఊయల ఊపాడు చందమామ
పాటలు పాడాడు చందమామ
పొలం గట్లపైన ఆటలే ఆడాడు చందమామ
కొలనులో ఈదాడు చందమామ
కలువ పూవులు ఇచ్చాడు చందమామ
(మేము ఇద్దరం మంచి స్నేహితులం అయిపోయాము)
ఉషోదయం వేళ,
వేడి తాళలేను అన్నాడు చల్లని మామ
వెళ్ళొస్తాను అన్నాడు చందమామ
వెళ్ళి పోయాడు చందమామ
