నీ చినుకుల జడిలో తడిసిపోవాలని
ఆశగా మా వాకిట నిలుచుంటాను
నువ్వేమో మా ఇంటి సరిహద్దుల వరకే వర్షిస్తావు
ఏడడుగులు నడిచి వచ్చేలోగా వీధి చివరివరకు వెళ్ళిపోతావు
వడి వడిగా నడిచివచ్చి తల ఎత్తి చూస్తాను
నీ ఆఖరి చినుకైనా నా మీద వర్షిస్తావని
నా నుదుటిని చుంబిస్తావని
నింగిన కురిసి నేలరాలని చినుకవుతావు
రెప్పపాటు దూరంవరకు వచ్చి మాయమవుతావు
నన్ను నిరీక్షణలో ముంచిపోతావు
10/05/2010
11.15 PM
