September 29, 2011

ఎదురుచూపు

సఖీ,

నీతో నేనడిచిన దారులలో
ఒంటరిగా పాదం అడుగుపడనీయదు
ఆగిపోదామంటే కాలం ఆగనీయదు

ఎంత వారిస్తున్నా
నా మనసు నిన్ను స్మరిస్తూనే ఉంటోంది
ఏ ఆలోచనైనా నీవైపుకే పరుగుతీస్తోంది

కోరిన వరమై మురిపిస్తావో
తీరని శాపమై వేధిస్తావో
నీ ఇష్టం

నెలలు సంవత్సరాలే కాదు
ఎన్ని జీవిత కాలాలైనా నీ జ్ఞాపకాలతో గడిపేస్తాను
ఎప్పటికీ నీకోసం ఎదురుచూస్తూనే ఉంటాను