March 12, 2012

నువ్వుంటే...

కళ్ళకి గంతలే కడతావో,
కనికట్టే చేస్తావో

నువ్వుంటే జీవితం కమ్మని కలలా సాగిపోతుంది
లేకుంటే కదిలే బొమ్మల కొలువులా మారిపోతుంది

నువ్వుంటే మనసు గాలిలో తేలిపోతుంది
లేకుంటే గుబులుతో గుండె భారమైపోతుంది

నువ్వులేని చోటు కోసం లోకమంతా వెతుకుతుంటాను
ప్రతిచోటా నిన్ను చూసి నాలో నేను నవ్వుకుంటాను

నువ్వు ఉన్నంతసేపు, నీ మాయలో పడి తిరుగుతుంటాను
నువ్వు లేనప్పుడు, నీ మాయ తొలగి
ఈ మాయా ప్రపంచాన్ని గమనిస్తూ ఉంటాను