అమ్మ

అమ్మ
వంట ఇంటిలోన అమ్మ ఉంటుంది
ఎప్పుడూ ఎదో ఒకటి చేస్తూ ఉంటుంది

నిదుర లేచింది మొదలు
నిదుర పోయేంత వరకు
వంట ఇంటిపైనే ఆమె ధ్యాసంతా

ఉదయాన్నే ...
పాలు కాచాలంటుంది
కాఫీ కలపాలంటుంది
వంటింటికేసి వడివడిగా అడుగులేస్తుంది

వేడి వేడి దోశలు రెడీ అంటుంది
వాటికి కమ్మని చట్నీ జత చేస్తుంది

ఆపై,
ఘుమఘుమల వంటకాలు చేస్తుంది
తిన్నాక నిద్ర ముంచుకొస్తుంది

సంధ్య వేళ నిద్ర లేచేసరికి ...
వంట ఇంటిలోన అమ్మ ఉంటుంది
ఎదో ఒకటి చేస్తూ ఉంటుంది

కాసేపు కూర్చో అమ్మా అంటే,
పప్పు రుబ్బాలంటుంది, కూర తరగాలంటుంది
వంట చేయాలంటుంది, వంటింటిలోనే ఉండిపోతుంది

వంటచేసి ఎరుగదు ఏనాడు ఆమె చిన్ననాడు
ఆలోటు తీర్చేందుకే కాబోలు
వంటిల్లు విడిచిరాలేదు ఈనాడు

వంట ఇల్లు ఆమె సామ్రాజ్యము
వంట ఇల్లే ఆమె సర్వస్వము

వంట ఇంటిలోన అమ్మ ఉంటుంది
ఎప్పుడూ ఎదో ఒకటి చేస్తూ ఉంటుంది