నా లోకం

చెలీ,

ఏ వెలుగూ వెలుతురు ఇవ్వని
చిక్కని చీకటిలా కమ్ముకున్న ప్రేమ నీవు

అంధకారమే అయినా
అనిర్వచనీయమైన హాయి నీవు

అంతులేని ఈ చీకటి లోకంలో
ధగధగా మెరుస్తున్న అనంతమైన నల్లని తారలన్నీ
నీకు నేరాసిన ప్రేమలేఖలు
గాలి తెమ్మెరలన్నీ
నువ్వు నాకు చెప్పే ఊసులు

శబ్దం చేయని నీ ఊసులు
నాకు తప్ప ఎవరికీ వినిపించవు
చీకటి తెరపై నేరాసిన లేఖలు
నీకు తప్ప వేరొకరికి కనిపించవు